మాస్ మహారాజా రవితేజ హీరోగా, శివ నిర్వాణ దర్శకత్వంలో తెరకెక్కిన ‘ఇరుముడి’ తొలి రోజే బాక్సాఫీస్ వద్ద అదిరిపోయే ఆరంభం చేసింది. ఆగస్టు 21న విడుదలైన ఈ ఎమోషనల్ యాక్షన్ థ్రిల్లర్కు ప్రేక్షకుల నుంచి పాజిటివ్ టాక్ రావడంతో కలెక్షన్లు కూడా ఊపందుకున్నాయి.
ట్రేడ్ వర్గాల సమాచారం ప్రకారం, భారత్లో తొలి రోజు రూ.14.80 కోట్ల నెట్, ప్రపంచవ్యాప్తంగా రూ.24.20 కోట్ల గ్రాస్ వసూళ్లు సాధించినట్లు తెలుస్తోంది. ముఖ్యంగా తెలుగు రాష్ట్రాల్లో రవితేజ క్రేజ్ మరోసారి బాక్సాఫీస్పై స్పష్టంగా కనిపించింది.
తండ్రీ–కూతుళ్ల ఎమోషన్ హైలైట్
‘ఇరుముడి’ కథలో తాగుడుకు బానిసైన ఓ తండ్రి, తన కూతురి కోరికతో అయ్యప్ప దీక్ష తీసుకున్న తర్వాత జీవితంలో వచ్చిన మార్పులు ప్రధానంగా ఉంటాయి. రవితేజ తన రెగ్యులర్ మాస్ ఇమేజ్కు భిన్నంగా చేసిన ఈ పాత్ర ప్రేక్షకులను భావోద్వేగానికి గురిచేస్తోంది. యాక్షన్తో పాటు ఫ్యామిలీ సెంటిమెంట్ కూడా సినిమాకు పెద్ద ప్లస్గా నిలిచింది.
100 కోట్ల క్లబ్ వైపు అడుగులు?
తొలి రోజు ఓపెనింగ్స్ను బట్టి చూస్తే ‘ఇరుముడి’కు బలమైన వీకెండ్ ఉండే అవకాశాలు కనిపిస్తున్నాయి. శని, ఆదివారాల్లో కలెక్షన్లు మరింత పెరిగితే రవితేజ కెరీర్లో మరో 100 కోట్ల క్లబ్ మూవీగా నిలిచే అవకాశముందని ట్రేడ్ విశ్లేషకులు భావిస్తున్నారు.
నెట్ఫ్లిక్స్కు ఓటీటీ హక్కులా?
ఇప్పటికే ‘ఇరుముడి’ ఓటీటీ హక్కులపై కూడా ఆసక్తికర వార్త వైరల్ అవుతోంది. ప్రచారంలో ఉన్న సమాచారం ప్రకారం, నెట్ఫ్లిక్స్ సుమారు రూ.14 కోట్లకు డిజిటల్ స్ట్రీమింగ్ హక్కులు కొనుగోలు చేసినట్లు తెలుస్తోంది. అయితే దీనిపై చిత్రబృందం నుంచి ఇప్పటివరకు ఎలాంటి అధికారిక ప్రకటన రాలేదు.
ఒకవేళ ఈ డీల్ నిజమైతే, థియేట్రికల్ రన్ ముగిసిన తర్వాత తెలుగు, తమిళం, కన్నడ, మలయాళం, హిందీ భాషల్లో నెట్ఫ్లిక్స్లో స్ట్రీమింగ్ అయ్యే అవకాశం ఉంది.
ప్రస్తుతం మాత్రం ఫ్యామిలీ ఆడియన్స్, మాస్ అభిమానులు థియేటర్లలో రవితేజ నటనను ఆస్వాదిస్తూ సినిమాకు మంచి బజ్ తీసుకొస్తున్నారు. ఈ జోరు ఎలాంటి రికార్డులు సృష్టిస్తుందో చూడాలి.