టాలీవుడ్ స్టార్ హీరోయిన్ సమంత రూత్ ప్రభు ప్రస్తుతం తన వ్యక్తిగత జీవితంలో అత్యంత మధురమైన దశను ఆస్వాదిస్తున్నారు. భర్త, ప్రముఖ దర్శకుడు రాజ్ నిడిమోరుతో కలిసి తన మొదటి బిడ్డకు స్వాగతం పలకడానికి సామ్ సిద్ధమవుతున్నారు. ఈ క్రమంలోనే తాజాగా ఆమె సీమంతం వేడుక కుటుంబ సభ్యులు, అత్యంత సన్నిహితుల సమక్షంలో ఎంతో వేడుకగా, ప్రైవేట్గా జరిగింది. దీనికి సంబంధించిన ఫోటోలు ప్రస్తుతం సోషల్ మీడియాలో తెగ వైరల్ అవుతున్నాయి.
ఈ వేడుకలో సమంత-రాజ్ నిడిమోరు జంట ఎంతో సంతోషంగా కనిపించారు. మరూన్ రంగు ఎంబ్రాయిడరీ చేసిన సంప్రదాయ దుస్తుల్లో సమంత మెరిసిపోతుండగా.. రాజ్ నిడిమోరు కూడా దానికి మ్యాచ్ అయ్యేలా మరూన్ కలర్ సిల్క్ కుర్తాలో కనిపించారు.
వైరల్ అవుతున్న ఈ ఫోటోలలో ఒకదానిలో, వారి వెనుక గోడపై ఉన్న వారి వివాహ బంధానికి సంబంధించిన ఫోటో అందరి దృష్టిని ఆకర్షిస్తోంది. మరొక ఫోటోలో, పెద్దల ఆశీర్వాదాలు తీసుకుంటూ సమంత ఎంతో ఆనందంగా కనిపిస్తున్నారు.
సమంత, రాజ్ నిడిమోరుల పరిచయం ‘ది ఫ్యామిలీ మ్యాన్ సీజన్ 2’ సెట్స్లో మొదలైంది. ఆ తర్వాత ‘సిటాడెల్: హనీ బన్నీ’ ప్రాజెక్ట్ సమయంలో వీరి బంధం మరింత బలపడింది. అనంతరం, డిసెంబర్ 1, 2025న కోయంబత్తూరులోని ఇషా యోగా సెంటర్లో కేవలం 30 మంది అతిథుల సమక్షంలో ‘భూత శుద్ధి వివాహ’ పద్ధతిలో వీరిద్దరూ ఒక్కటయ్యారు.
సమంత నటించిన తాజా చిత్రం ‘మా ఇంటి బంగారం’ బాక్సాఫీస్ వద్ద భారీ విజయాన్ని అందుకొని వంద కోట్ల క్లబ్లో చేరింది. ఈ సక్సెస్ తర్వాత, ఆమె తన ప్రెగ్నన్సీ మరియు మాతృత్వం కోసం కెరీర్ నుండి కాస్త విరామం తీసుకుంటున్నట్లు అధికారికంగా ప్రకటించారు. కెరీర్ పీక్ స్టేజ్లో ఉన్నప్పుడే వ్యక్తిగత జీవితానికి ప్రాధాన్యతనిస్తూ ఆమె తీసుకున్న ఈ నిర్ణయాన్ని అభిమానులు మనస్ఫూర్తిగా అభినందిస్తున్నారు. అటు సినిమా హిట్, ఇటు ఇంట్లోకి కొత్త అతిథి రాకతో సమంత అభిమానులకు ఇది నిజంగా డబుల్ ధమాకా అని చెప్పాలి.