భారతీయుల దైనందిన జీవితంలో టీ ఒక విడదీయరాని భాగం. ఉదయం లేచినప్పటి నుండి అలసట తెలియనంత వరకు చాలా మంది కప్పుల కొద్దీ టీ తాగుతుంటారు. అయితే, ఒక నెల రోజుల పాటు టీని పూర్తిగా పక్కన పెడితే మన శరీరంలో ఎలాంటి మార్పులు వస్తాయో ఆరోగ్య నిపుణులు వివరించారు. ఆ వివరాలు ఇప్పుడు చూద్దాం.
- మెరుగైన నిద్ర, ఒత్తిడికి గుడ్ బై
టీ తాగడం మానేయడం వల్ల శరీరంలోకి వెళ్లే కెఫిన్ పరిమాణం తగ్గుతుంది. దీనివల్ల:
గాఢమైన నిద్ర పడుతుంది, నిద్ర నాణ్యత పెరుగుతుంది.
మానసిక ఒత్తిడి, ఆందోళన (Anxiety) అదుపులోకి వస్తాయి.
బాడీ హైడ్రేషన్ లెవెల్స్ మెరుగవుతాయి.
- మొదట్లో కనిపించే ‘కెఫిన్’ ఉపసంహరణ లక్షణాలు
రెగ్యులర్గా టీ తాగే అలవాటును ఒక్కసారిగా మానేస్తే, మొదటి ఒకటి రెండు వారాలు శరీరం కొన్ని లక్షణాలను చూపిస్తుంది:
తలనొప్పి, విపరీతమైన అలసట, నీరసం.
చిరాకు, ఏకాగ్రత లోపించడం.
నిద్రమత్తు లేదా కొన్నిసార్లు నిద్రలేమి.
- నిపుణుల సూచన: ఒక్కసారిగా కాకుండా క్రమంగా తగ్గించండి!
రోజుకు 3-4 కప్పుల టీ తాగే అలవాటు ఉన్నవారు ఒక్క రోజే పూర్తిగా మానేయకూడదు. అలా చేస్తే తలనొప్పి వంటి సమస్యలు వస్తాయి. కాబట్టి, రోజురోజుకూ టీ క్వాంటిటీని లేదా కప్పుల సంఖ్యను క్రమంగా తగ్గించుకుంటూ రావాలి. - టీకి బదులుగా తీసుకోగల ఉత్తమ ప్రత్యామ్నాయాలు
టీ తాగాలనిపించినప్పుడు ఆ కోరికను అధిగమించడానికి ఈ క్రింది ఆరోగ్యకరమైన పానీయాలను ట్రై చేయవచ్చు:
కెఫిన్ లేని హెర్బల్ టీలు (పుదీనా లేదా చామంతి టీ).
నిమ్మరసం లేదా తేనె కలిపిన గోరువెచ్చని నీరు.
ఆపిల్, క్రాన్బెర్రీ వంటి తాజా పండ్ల రసాలు.
- టీ పూర్తిగా హానికరం కాదు.. కానీ వీరు జాగ్రత్త!
మితంగా టీ తాగడం వల్ల ఎలాంటి నష్టం లేదని నిపుణులు చెబుతున్నారు. కానీ, క్రింది సమస్యలు ఉన్నవారు మాత్రం టీకి దూరంగా ఉండాలి లేదా చాలా పరిమితంగా తీసుకోవాలి:
గుండెల్లో మంట, అసిడిటీ, గ్యాస్ట్రిక్ సమస్యలు ఉన్నవారు.
గర్భిణీలు, పాలిచ్చే తల్లులు.