ప్రముఖ లగ్జరీ కార్ల తయారీ సంస్థ Lexus India హైదరాబాద్‌లో తన సరికొత్త Lexus ES 350h లగ్జరీ సెడాన్‌ను అధికారికంగా విడుదల చేసింది. జూబ్లీ హిల్స్‌లోని Lexus Hyderabad షోరూమ్‌లో నిర్వహించిన ప్రత్యేక కార్యక్రమంలో ఈ కారును ఆవిష్కరించారు.
ఈ కార్యక్రమానికి Lexus India జోనల్ హెడ్‌లు ఆశిష్ సన్, మనూ శర్మ, అలాగే Lexus Hyderabad మేనేజింగ్ డైరెక్టర్ హర్షవర్ధన్, డైరెక్టర్ నిహారిక హాజరయ్యారు.
కొత్త Lexus ES 350hలో 2.5 లీటర్ సెల్ఫ్-చార్జింగ్ స్ట్రాంగ్ హైబ్రిడ్ పెట్రోల్ ఇంజిన్‌ను అందించారు. ఈ పవర్‌ట్రెయిన్ మెరుగైన పనితీరు, అధిక మైలేజ్, తక్కువ ఉద్గారాలను అందిస్తుందని కంపెనీ తెలిపింది. అదనంగా, ఈ మోడల్‌కు పూర్తిగా ఎలక్ట్రిక్ వెర్షన్ కూడా అందుబాటులో ఉంటుందని వెల్లడించింది.
భారత మార్కెట్‌లో Lexus ES 350h ప్రారంభ ఎక్స్-షోరూమ్ ధర రూ.66.10 లక్షలుగా నిర్ణయించారు. టెస్ట్ డ్రైవ్‌లు, మరిన్ని వివరాల కోసం జూబ్లీ హిల్స్‌లోని Lexus Hyderabad షోరూమ్‌ను సంప్రదించాలని కంపెనీ సూచించింది.