గత నాలుగు రోజులుగా ఆకాశాన్నంటిన పసిడి ధరలకు ఎట్టకేలకు బ్రేక్ పడింది. బంగారం కొనాలని వేచి చూస్తున్న వారికి ఇది నిజంగా తీపి కబురే! అంతర్జాతీయ మార్కెట్లో చోటుచేసుకున్న పరిణామాలు, ముడిచమురు (Crude Oil) ధరల పెరుగుదల వల్ల ఇన్వెస్టర్ల దృష్టి బంగారం వైపు తగ్గడమే ఈ భారీ పతనానికి ప్రధాన కారణమని మార్కెట్ నిపుణులు చెప్తున్నారు.
గ్లోబల్ మార్కెట్లో పతనం
- స్పాట్ గోల్డ్: గురువారం ఔన్సుకు $4,150 వద్ద ఉన్న బంగారం ధర, శుక్రవారానికి ఒక్కసారిగా $4,040 కి పడిపోయింది.
- వెండి: ఔన్సుకు $60 నుంచి $58 డాలర్లకు తగ్గింది.
అంతర్జాతీయ మార్కెట్లలో నమోదైన ఈ తగ్గుదల ప్రభావం నేరుగా మన దేశీయ మార్కెట్లపై పడటంతో ప్రధాన నగరాల్లో బంగారం, వెండి రేట్లు గణనీయంగా దిగొచ్చాయి.
ప్రధాన నగరాల్లో ఈరోజు బంగారం ధరలు (10 గ్రాములకు)
- హైదరాబాద్: 24 క్యారెట్ల ధర ₹ 1,46,170 ఉండగా.. 22 క్యారెట్ల ధర ₹ 1,33,990 వద్ద ఉనికిలోకి వచ్చింది.
- విజయవాడ / విశాఖపట్నం: 24 క్యారెట్ల ధర ₹ 1,46,170 వద్ద ట్రేడ్ అవుతుండగా.. 22 క్యారెట్ల ధర ₹ 1,33,990 వద్ద ఉంది.
- బెంగళూరు: 24 క్యారెట్ల పసిడి ధర ₹ 1,46,170 కాగా.. 22 క్యారెట్ల రేటు ₹ 1,33,990 వద్ద కొనసాగుతోంది.
- ఢిల్లీ: 24 క్యారెట్ల బంగారం ధర ₹ 1,46,320 గా నమోదు కాగా.. 22 క్యారెట్ల రేటు ₹ 1,34,140 వద్ద ట్రేడ్ అవుతోంది.
- చెన్నై: 24 క్యారెట్ల పసిడి రేటు ₹ 1,47,290 కి చేరగా.. 22 క్యారెట్ల బంగారం ధర ₹ 1,35,010 వద్ద ఉంది.
వెండి ధరల్లోనూ స్వల్ప ఊరట (కిలోకు)
బంగారంతో పాటే వెండి ధరలు కూడా స్వల్పంగా తగ్గుముఖం పట్టాయి:
- హైదరాబాద్, చెన్నై: కిలో వెండి ధర ₹ 2,44,900 వద్ద కొనసాగుతోంది (గతంలో ₹ 2,45,000 ఉండేది).
- ఢిల్లీ, బెంగళూరు: కిలో వెండి ధర ₹ 2,39,900 వద్ద ట్రేడ్ అవుతోంది.