పాన్ ఇండియా రెబెల్ స్టార్ ప్రభాస్ అభిమానులకు అదిరిపోయే తీపి కబురు అందింది. హను రాఘవపూడి దర్శకత్వంలో తెరకెక్కుతున్న ప్రభాస్ మోస్ట్ మోస్ట్ అవైటెడ్ మూవీ ‘ఫౌజీ’ (Fauji) విడుదల తేదీ అధికారికంగా వచ్చేసింది.
తాజాగా హైదరాబాద్లోని హోటల్ అవాసాలో జరిగిన ‘KJQ’ (కింగ్ జాకీ క్వీన్) చిత్ర ప్రీ-రిలీజ్ వేడుకలో మైత్రీ మూవీ మేకర్స్ నిర్మాత రవి ఈ క్రేజీ అప్డేట్ను రివీల్ చేశారు.
డిసెంబర్ 2న ప్రపంచవ్యాప్తంగా ప్రీమియర్స్!
- విడుదల తేదీ: ‘ఫౌజీ’ చిత్రాన్ని ఈ ఏడాది డిసెంబర్ 2న గ్రాండ్ గ్రాండ్ ప్రీమియర్స్తో ప్రపంచవ్యాప్తంగా విడుదల చేయబోతున్నట్లు మైత్రీ రవి ప్రకటించారు.
- ప్రస్తుతం ఈ సినిమా చిత్రీకరణ శరవేగంగా జరుగుతోందని, ప్రభాస్ అభిమానులకు ఇది ఐఫీస్ట్ లాంటి సినిమా కానుందని పేర్కొన్నారు.
ఆగస్టు 6న నాని ‘ది ప్యారడైజ్’ టీజర్!
ఇదే వేదికపై దర్శకుడు శ్రీకాంత్ ఓదెల మాట్లాడుతూ తన తదుపరి చిత్రం గురించి కీలక ప్రకటన చేశారు:
- నేచురల్ స్టార్ నాని కథానాయకుడిగా తాను తెరకెక్కిస్తున్న ‘ది ప్యారడైజ్’ (The Paradise) సినిమా టీజర్ను ఆగస్టు 6న విడుదల చేయనున్నట్లు వెల్లడించారు.
- ఈ టీజర్ ప్రేక్షకులను కచ్చితంగా మెప్పిస్తుందని ఆయన ధీమా వ్యక్తం చేశారు.
- ఒక సినిమా తీయడం వెనుక ఉండే దర్శకుడి కష్టాన్ని మీడియా, ప్రేక్షకులు గుర్తించాలని ఈ సందర్భంగా శ్రీకాంత్ ఓదెల కోరారు.
ఆగస్టు 7న ‘KJQ’ విడుదల
‘దసరా’ ఫేమ్ దీక్షిత్ శెట్టి, శశి ఓదెల, యుక్తి తరేజా నటీనటులుగా, కిరణ్ కుమార్ దర్శకత్వంలో తెరకెక్కిన 1990ల కాలం నాటి క్రైమ్ డ్రామా ‘KJQ’ (కింగ్ జాకీ క్వీన్) చిత్రం ఆగస్టు 7న ప్రేక్షకుల ముందుకు రానుంది. SLV సినిమాస్ బ్యానర్పై సుధాకర్ చెరుకూరి ఈ చిత్రాన్ని నిర్మించారు.